मुंबई - महाराष्ट्र राज्य माध्यमिक आणि उच्च माध्यमिक शिक्षण मंडळातर्फे घेण्यात आलेल्या दहावीच्या परीक्षेचा निकाल विद्यार्थ्यांना गुरुवारी ऑनलाइन मिळणार असून, मूळ गुणपत्रिकांचे वाटप २२ जून रोजी तीन वाजता शाळांमध्ये करण्यात येणार असल्याचे मंडळाकडून कळवण्यात आले आहे.
विद्यार्थ्यांना गुणपडताळणी करण्यासाठी एक जुलैपर्यंत मुदत देण्यात आली असून अर्जासोबत मूळ गुणपत्रिकेची छायांकित प्रत जोडणे सक्तीचे आहे. गुणपडताळणीसाठी इंटरनेटवरून काढलेली प्रत जोडल्यास अर्ज अवैध ठरवण्यात येणार आहे. ऑक्टोबर २०१० मध्ये होणाऱ्या परीक्षेसाठी अर्ज सादर करण्याची मुदतही एक जुलै ठेवण्यात आली आहे. विलंब शुल्कासह विद्यार्थ्यांना आठ जुलैपर्यंत अर्ज सादर करता येणार असल्याचे मंडळाने कळवले आहे.
निकाल मिळवण्यात विद्यार्थ्यांना अडचण येऊ नये म्हणून शिक्षण मंडळाच्या प्रत्येक विभागीय मंडळात हेल्पलाइन सुरू करण्यात आली आहे. मार्च महिन्यात झालेल्या दहावीच्या परीक्षेला राज्यातून १६ लाख २६ हजार ३४२ विद्यार्थ्यांनी नोंदणी केली होती. त्यामध्ये नऊ लाख एक हजार ४७१ मुले आणि सात लाख २४ हजार ८७१ मुलींचा समावेश आहे. राज्यात तीन हजार ६९२ केंदांवर ही परीक्षा घेण्यात आली.
वेबसाइटचे पत्ते -
मोबाईलवर एसएमएसद्वारेही निकाल उपलब्ध होईल. बीएसएनएल मोबाईलधारकांसाठी MHSSC हा शॉर्टकोड 57766 या क्रमांकावर पाठवून निकाल मिळू शकेल.
rediff.com च्या मोबाईल शॉर्टकोडवरून एसएमएसद्वारे निकाल उपलब्ध होईल. यासाठी MHSSC हा शॉर्टकोड 573335000 या क्रमांकावर पाठवून निकाल मिळू शकेल.
Posts
No comments:
Post a Comment