एमपीएससी निकाल वेबसाइटवरून मागे

संदर्भ-दै.प्रहार/१२.०६.२००९

उमेदवारांनी पदासाठी दिलेला पसंतीक्रम व त्यांचा गुणवत्ताक्रम यांच्यात आयोगाच्या अधिका-यांनी घोळ घातल्यामुळे मुख्य परीक्षेचा जाहीर निकाल मागे घेण्याची नामुष्की आयोगावर आली आहे.

मुंबई- महाराष्ट्र लोकसेवा आयोगावर, राज्यसेवा मुख्य परीक्षा-२००६ चा जाहीर केलेला निकाल प्रशासकीय हलगर्जीपणामुळे मागे घेण्याची नामुष्की आली आहे. गेल्या सोमवारी आयोगाने मुख्य परीक्षा-२००६ चा अंतिम निकाल जाहीर केला होता. या निकालात मुलींनी बाजी मारली होती. पण निकालात वर्ग-२ च्या उमेदवारांनी पदासाठी दिलेला पसंतीक्रम आणि त्यांचा गुणवत्ताक्रम यांच्यात आयोगाच्या अधिका-यांनी घोळ घातला आहे.ही चूक लक्षात आल्यानंतर आयोगाने बुधवारी हा निकाल तातडीने वेबसाइटवरून मागे घेतला. या निकालाची जबाबदारी असलेले एक अवर सचिव रजेवर गेले आहेत. उत्तीर्ण झालेले विद्यार्थी मात्र आयोगाच्या नेहमीच्या बेजबाबदारपणाचा पुन्हा अनुभव आल्यामुळे हवालदिल झाले आहेत. या चुकीचा सर्वात अधिक फटका वर्ग-२ पदासाठी उत्तीर्ण झालेल्या २७९ उमेदवारांना बसणार असून या निकालात फेरफार होण्याची शक्यता आहे.पण या यादीत नवे उमेदवार सामील होणार नसल्याचे सांगितले जात आहे. वर्ग-१च्या पदांमध्ये मात्र अशी चूक झाली नसल्याचे समजते. सुधारित निकाल पुढील आठवड्यात लागण्याची शक्यता आहे.
सोमवारी हा निकाल जाहीर झाल्यानंतर वर्ग-२ पदांसाठी उत्तीर्ण झालेल्या विद्यार्थ्यांना पदासाठी त्यांनी दिलेले पसंतीक्रम आणि त्यांचा गुणवत्ताक्रम यांच्यात तफावत असल्याचे जाणवले. यामुळे काही विद्यार्थ्यांनी आयोगाकडे याबाबत तक्रार दाखल केली. या तक्रारीत उमेदवारांचा पसंतीक्रम लक्षात न घेता केवळ गुणवत्ताक्रम विचारात घेण्याची चूक आयोगाच्या अधिका-यांनी केल्याचे निदर्शनास आले.

नाशिक जिल्ह्यातील सर्व विधानसभा मतदारसंघातील नविन मतदारांना जाहीर आवाहन....

जिल्हाधिकारी व जिल्हा निवडणूक अधिकारी, नाशिक जिल्हा यांचे वतीने नविन मतदार नोंदणी व छायाचित्र ओळखपत्राबाबतची विशेष मोहीमेचे आयोजन दिनांक १ जून २००९ ते दिनांक २२ जूलै २००९ दरम्यान करण्यात आलेले आहे.
नवीन मतदार नोंदणीसाठी- "नमुना ६" (FORM 6) मध्ये संपूर्ण माहिती भरुन आणि नजीकच्या काळात काढलेले रंगीत छायाचित्र जोडून अर्जदाराने अर्ज करावेत.
छायाचित्र ओळखपत्राबाबत- मतदारयादीत नांव असलेल्या; परंतु छायाचित्र ओळखपत्र न मिळालेल्या मतदारांनी "नमुना ८" (FORM 8) मध्ये संपूर्ण माहिती भरुन आणि नजीकच्या काळात काढलेले रंगीत छायाचित्र जोडून अर्जदाराने अर्ज करावा.
अर्ज सादर करण्याचे ठिकाण- अर्जदारानी "नमुना ६" व "नमुना ८" खालील विधानसभा मतदारसंघाचे "मतदार नोंदणी अधिकारी" यांचे कार्यालयात दिनांक १ जून २००९ ते दिनांक २२ जूलै २००९ दरम्यान सादर करावेत.
११४-मालेगांव मध्य- तहसील कार्यालय, मालेगांव ०२५५४-२५४७३२
११५-मालेगांव बाह्य- धान्य वितरण अधिकारी, यांचे कार्यालय ०२५५४-२५४७३२
११३-नांदगांव तहसील कार्यालय, नांदगांव ०२५५२-२४२२३२
११६-बागलाण तहसील कार्यालय, बागलाण ०२५५५-२२०२३८
११७-कळवण(कळवण तालुका) तहसील कार्यालय, कळवण ०२५९२-२२१०३७
११७-कळवण(सुरगाणा तालुका) तहसील कार्यालय, सुरगाणा ०२५९३-२२३३२३
११८-चांदवड(चांदवड तालुका) तहसील कार्यालय, चांदवड ०२५५६-२५२२३१
११८-चांदवड(देवळा तालुका) तहसील कार्यालय, देवळा ०२५९२-२२८५५४
११९-येवला तहसील कार्यालय, येवला ०२५५९-२६५००५
१२०-सिन्नर तहसील कार्यालय, सिन्नर ०२५५१-२२००२८
१२१-निफाड तहसील कार्यालय,निफाड ०२५५०-२४१०२४
१२२-दिंडोरी(दिंडोरी तालुका) तहसील कार्यालय, दिंडोरी ०२५५७-२२१००३
१२२-दिंडोरी(पेठ तालुका), तहसील कार्यालय, पेठ ०२५५८-२२५५३१
१२३-नाशिक पूर्व अपर चिटणीस, कुळकायदा शाखा, जिल्हाधिकारी कार्यालय, नाशिक ०२५३-२५७५६६३/२५७८४००
१२४-नाशिक मध्य तहसील कार्यालय, नाशिक ०२५३-२५७५६६३/२५७८४००
१२५-नाशिक पश्विम सं.गा.यो.कार्यालय, नाशिक ०२५३-२५७५६६३/२५७८४००
१२६-देवळाली धान्य वितरण अधिकारी, नाशिक यांचे कार्यालय ०२५३-२५७५६६३/२५७८४००
१२७-इगतपुरी(इगतपुरी तालुका) तहसील कार्यालय,इगतपुरी ०२५५३-२४४००९
१२७-इगतपुरी(त्र्यंबकेश्वर तालुका) तहसील कार्यालय, त्र्यंबकेश्वर ०२५९४२३३३५५
टिप: FORM 6 येथून डाउनलोड करा.FORM 8 येथून डाउनलोड करा